متى بتيين

أحمد حسين اللنقاوي

دنفر، كولورادو

تعبت من الصبر و ولا أدري متى بتيين

و أنا خايف الوصل بيننا يصبح محال

قلتي اصبر شهر.. و هذا أنا من شهرين

ما زلت متعلق بحبال الحب و الوصال

يعني كل هذا ليش انج تهبلين؟

شوي شوي… علي يا بنت الحلال

آه لو إن في مثل عينج عين

ما قلت عن سواد عينج خيال

و لو ألف من المغرب ليما الصين

مستحيل ألاقي قلبي لغيرج مال

إنتي لو مشيتي على الصخر يلين

و إنتي بنظرة عينج تهزين جبال

و إنت في خدوج ورد و بساتين

و إنتي في عيونج براءة اليهال

و إن مشيتي تعطر الهواء بالياسمين

و تفز لأجلج قلوب بكل محبة و إجلال

و إنت في بسمتك فرحة قلب حزين

مذبوح من الهموم و ثقل الأحمال

يا أسم لو انوجد في كلامي يزين

يا ثقل العقل و يا قمة الهبال

يا حرف عذبني من عمر للحين

يا شخص ارتجف كل ما جيته بإقبال